𑄌𑄋𑄴𑄟𑄳𑄦 𑄇𑄧𑄙𑄗𑄪𑄛𑄴

১. ঈশ্বর না করুন।
God forbid.
𑄞𑄧𑄉𑄧𑄝𑄚𑄬 𑄥𑄨𑄖𑄴𑄪𑄢𑄴 𑄚𑄳𑄦𑄧 𑄘𑄬𑄊𑄳𑄅𑄧𑄇𑄴 𑅁
(ভগবানে সিত্তুর নহ্ দেঘোক)

২. উঠি কি পড়ি।
Helter-skelter./Hurry-scurry.
𑄌𑄨𑄣𑄬𑄁-𑄞𑄨𑄖𑄬𑄴𑄁 𑅁 / 𑄃𑄨𑄘𑄨𑄁-𑄝𑄨𑄘𑄨𑄁 𑅁
(চিলেং-ভিত্তেং। / ইদিং-বিদিং)

৩. উঠে পড়ে লাগা।
To be up and doing.
𑄞𑄖𑄴-𑄛𑄚𑄨 𑄃𑄨𑄢𑄨 𑅁
(ভাত-পানিহ্ ইরি)

৪. উত্তম মধ্যম দেওয়া।
To beat black and blue.
𑄛𑄨𑄙𑄨𑄖𑄴 𑄛𑄧𑄢𑄚 𑅁
(পিধিত পরানা)

৫. উপর-পড়া হওয়া।
To interfere/To be obtrusive.
𑄈𑄧𑄘-𑄃𑄪𑄘𑄪𑄌𑄳𑄠𑄬𑄴 𑅁
(খদা-উদুচ্যে)

ধক আ মাজারা

ইক্কো জাদর তুগুন সম্পত্তি তার ধক আ মাজারাগানি। আহ্জার আহ্জার বঝর ধরি ইক্কো জাদত জনম লোয়ে পোতপোত্যে মানেয়ুনোর ফুদো ফুদো মেহ্ত এগত্তর ওহ্নেই জনম লয় ইক্কো জাদর ধক, হাচ্যেক আ মাজারা। ইক্কো জাদর পরানঘর হোই পারা জায় জার জার এ মাজারাগানি।

মাজারা বাজেই রাঘানার লারেই ইক্কু আমার আঝল লারেই। আমা জাগাগানি আ সিয়েনির নাঙ, নাঙত্তলে সমি থেয়ে বিজক্কানি, আমা হধা - তার ঘাচ্চারা আ লিগিভার অহ্রক্কুন, আমা পিনোন, হাহ্দি, হবঙ, সিলুম, আমা উভোগীত, ওলিগীত, ঝরাগীত, তান্যেবিগীত, আমা ধুদুক, হেঙগরঙ, শিঙে, বাঝি, আমা বনভান্তে, মানবেন্দ্র লারমা, হালিন্দি রানী, শিপচরন, পেথ্যে ফগির, আমা হেবাঙ, হোরবো, গোরাম, গুদেয়ে, তাবাদ্যে, তেলদ্যে, পোগোনোতদ্যে, সেক্কে, পুচ্চে - ইয়েনি আমা জাদর পরানর এক-এক্কো হোলোই। ইয়েনি লুগেই জানা মানে চাঙমা জাত লুগেই জানা।

আমা জাদর সম্পত্তিগানি সিদি পোচ্ছে নানান বামত নানান ধগে - মিয়ানমারত, ভারদত, বাংলাদেঝত, দৈঙনাক্যেত, তোঙতোঙ্যেত, আনোক্যেত - ইয়েনি ভেক্কানি বাজেই রাগেবাত্যেই একজমালে বালা ধারাধারিগরি গিল দিবার হামত লামা পরিবো। ন অহ্লে গায় গায় হন’ জনে বুরেই ন এভঙ।

জাদর মাজারা বানানা আ আগেধে মাজারাগানি বাজেই রাঘেবার হামত বিঝুফুল বেঘর সেপবত্তা আ বলাবল লোনেই লেবেদেই আঘে ১৩ বঝর ধরি। দুমুরি ন পারিলেয়ো চিগোন চিগোন হুচ ফেলেই আমি আক্কোই জের নিরঘন্দি গরি। আমার আঝা একদিন আমি সাল্যেঙত লুঙিবঙ্গোয়ই।

বিঝুফুল, নাদা-১৩, বিঝু-২০১৩

চাঙমা হধাসিরি-২

১. নেই মোগত্তুন হান মোক ভালা।
Something is better than nothing.
নেই মামার চেয়ে কানা মামা ভালো।

২. ব্যাঙরে চাদে ঘিনেই, চাদরে ব্যাঙে ঘিনেই।
The saucepan should not call the kettle black.
চালুনি বলে সুঁচ তোর পিছে কেন ছ্যাঁদা।

৩. বেজ অঝায় বিয়েনি মরে।
Too many cooks spoil the broth.
অতি সন্ন্যাসীতে গাজন নষ্ট।

৪. যে দেঝত যে ভাক্কা।
When in Rome, do as the Romans.
যম্মিন দেশে যদাচার।

৫. গাঙ পার অহ্ লে মাঝি শালা।
When the danger is gone, God is forgotten.
কাজের সময় কাজী, কাজ ফুরুলে পাজী।

বিঝুমেলা-২০১১

বঝর পত্তি বিঝু মেলা যদি আমি তিবুরার চাঙমাগুনে ন গত্তঙ সালে পারাপাঙ আমা সুদোমর ভালোক্কানি দোল দোল জিনিচ আহ্জেই ফেলেলঙন। বিঝু মেলাত আমি জানিই ন জানিই নাজিই, পারি ন পারি গিত গে’ই। তুও আমার নাচ-গীত বাজি থোক, বলবলা ওহ্ই উধোক - এ ধারাজে। গদা বঝরবো ক্রিকেট-ফুটবল আ নানাক্কান বেজাদি খারালোই লুদুপুদু গরি থেনেই বঝর’ শেজত এক বার অহ্লেয়ো সিদেন’ হোনা বিজিরেই নিহ্গিলেই আমা ঘিলে-নাদেঙুন। মা-ভোনুনে পিনোন পিনোন-খাদি। চান্দা-ভিক্কে গরি, সিলুমোর জেপ বিজিরেই বিজিরেই অহ্লেয়ো ছাবেদঙ চেই ইক্কো চাঙমা বই। গিত গেয়েগুনেয়ো লাভ-লোকসানর হধা পিঝেদি লুঙিমারি চাঙমা জিঙহানির ধারাচ পুরোন ইক্কো গিদোর সিডি ফগদাঙ গরি। বিঝু দিনোত আমা সিধু হাক্কনত্তেই অহ্লে লতা-কিশোর-কুমার সানু ডাগিত্তুন ডাঙর অহ্য় অভিক কুমারে।

বিঝু মেলার হালে­াংঙো আমি যদি আ এক্কা ডাঙর গরিই সালে বানা নাচ-গিত নয় জুদো দরকারি জিনিচ্চানিয়ো আদিবো অহ্লে! যেমন ইক্কু বিঝুরে মুজুঙে লোনেই গদা পিত্থিমির চাঙমা গুনোর মিলিবার এক্কান জাগা বানেবার হধা চিদে গরা অহ্র। দিল­ী, কোলকাতা আ বিদেঝত থান্নে আমা জাত ভেই-ভোনুনোরো তারা তারা মিলিবার জু বানা বিঝুবো। সেধক্যে বিঝু দিন্নোত যদি তিবুরা, মিজোরাম, অরুনাচল, দেচকুল আ আরাকানর আনক্যা, তোঙতোঙ্যা আ দৈংনাক্যা চাঙমাঘুন এক উদোনত মিলি পারিদোঙ সালে সিয়েনত্তুন পারা দোল আ হিচ্ছু ন থেলুন।

এবারর বিঝু মেলাবো হয়ত বিজগত নাঙ রাগেব’ যদি তার আরেয়ে হামানি গমে সির নেজেই পারে - ১) তিরিচ বঝর পরে যুগোর লগে তাল মিলেনেই এবারর বিঝু মেলাত হয়ত ‘তিবুরা রেজ্য হাবর বিঝু মেলা’ তার ঠায়ঠিক ‘লোগো-ভো পে’ই পারে। ২) রেজ্য হাবর বিঝু মেলা এজেত্তে বঝর হন জাগাত পরিবো সিয়েন আগাম ঘোষনা দি থবার সুদোম হয়ত এ বিঝু মেলাত্তুন ধরি চল ওহ্ই পারে। লগে বানানি ওহ্ই পারে তিবুরা রেজ্য হাবর বিঝু মেলার নানু জধা। যদি পারা যায় সালে আমি হোয় পারিবোঙ তিবুরার বিঝু মেলার তিরিচ বঝরে এক্কা এক্কা লেবাঙ’ ফোর গে’ল সালে !

বিঝু নিজেনিহ্, ২০১১

রুধুক মরা জাদর লেমপচ্যা রাজনীতি

১৯৪৭ সনর ১৫ আগস্ট ভারদ স্বাধীন অহ্য়। তার ঠিক দি বঝর দি মাঝ পরে তিবুরা রেজ্যঘান ভারদর লঘে মিঝি যায় ১৯৪৯ সনর ১৫ ই অক্টোবরত। সারা ভারদর লঘে ১৯৫২ সনত তিবুরাদো ভোট অহ্য়। লোকসভা আ ইলেকটোরাল কলেজর ভোট। সেক্কেনর চাঙমাঘুনোর রাজনৈতিক ভাবে হন চেতনা এল ভিলি মনে ন অহ্য়। যদিও সেক্কেনে মাছমারার লেদ্রাই দেওয়ান তিবুরার রাজা বীর বিক্রম কিশোর মানিক্যর সভাত ‘সর্দ্দার’ উপাধি লোনেই তিবুরা রাজসভাত বজিভের জু পেয়ে আ কাঞ্চনপুরর ফরা কিংকর চাকমার দশরথ দেবর গণমুক্তি পরিষদর লঘে যোগাযোগ এল ভিলি শুনো যেয়্যে। সেবাদে ত্রিশর দশকর ত্রিপুরা রাজ্য গণ পরিষদ বা ত্রিপুরা রাজ্য জনমঙ্গল সমিতি, চলি­শর দশকর জনশিক্ষা সমিতি, গণমুক্তি পরিষদ বা কংগ্রেস-কমিউনিস্ট-ফরোয়ার্ড ব্লক হন দলদোই চাঙমাঘুন গমেদালে ঘুনজি-মুনজি এলাক ভিলি খবর পা ন যায়। যদিও উপজাতির মধ্যে তারা লোক সংখ্যাদি এলাক দ্বিতীয় আ শিক্ষাদীক্ষাধিয়ো এলাক ত্রিপুরী স¤প্রাদায়র ঠিক পরে। 

তিবুরার চাঙমাঘুনোর এ রাজনীতি অনীহার হয়েকখান কারন আঘে। সিয়েনি অহ্লদে-

বিঝুগুলোর ১২ বঝর

দেঘদে দেঘদে ধর্মনগর চাঙমা ছাত্রগুনোর পত্তি বিঝু তাগিনেই ফগদাঙ গোচ্ছে হধা আলাম ‘বিঝুগুলো’র ১২ বঝর পুরেই গেল’। ডাঙর জাদর সাহিত্য অক্কে ১২ বঝর হিচ্ছু নয়। মাত্তর চাঙমাগুনোর বেলায়, বিশেষ গরি তিবুরার চাঙমাগুনোর হধা ঈদোত রাগেলে ইভ্যে আমার বেঘত্থুন বেচ দিন ধরি এঘামারে চলি এচ্ছে হধা আলাম। আগেদি তিবুরাত যিধুক্কো হধা আলাম জনম লোয়োন ভেক্কুন নানান তুচ্ছেত ভচ যেয়োন। আজলে তোগেই চেলে, একমাত্র সরকারী ‘ত্রিপুরা সদক’, ‘মাদি’ আ আগরতলার ‘বিঝু ফুল’রে ফারক গরিলে হন’ ইক্কো হধা আলাম পাচ বঝরো পুরেই পাচ্ছোনগরি আমার ঈদোত ন’উধে। এক মাত্র ‘বিঝুগুলো’য় পুরেই পাচ্ছে ১২ বঝর। এ পইদ্যানে পুরোনী ছাত্রগুনে বিঝুগুলোর জনমথান ধর্মনগর কলেজত্থুন পাশগরি (নিত্তাগে ধর্মনগর কলেজ হোস্টেলত্থুন) নিহ্গিলি যানার পরেয়ো বিঝুগুলোরে পুরি ফেলেই

মারবেল পাত্থরত নিলোজমন -হরেন্দ্র চাকমা

মনান ইক্কো রঙচোঙ্যা মার্ব্বেল পাত্থর 
যেন চিগোন গুরয় খারা হন
অকাবিল কুজি ইঞ্জেব 
তাকচানাৎ রোয় ন মিলানার আবিলেশ
ফিরি তাকচানার দোকদোক্যা আহ্ওজ। 
জাঙাল আধেই গচ্যেই যায় কজমা নিলোজ মন।
পোচপানার ঈধি ফাল পাদেয়্যা পিংগুল নাদান পিত্থিমিৎ
নাটকঅ জিংকানী গোর অয় ভান গরি হ্াজানা মাদানাৎ 
কাবিল বারবো মন
তুঅদ-হাক্কনত্তেই রাজা ফগির অয়, ফগির রাজা অয়
আর দুঃগ চোগপানিয়ে তামজাং ঝড়ে, 
কার সুগ আহ্জিৎ পিত্থিমীর রিবাং গিরগিরায়। 
লাভ কধা নয়, ভান গরানাৎ যারে য্যানে সাঝে 
যেন্ মনঅ মুরোত্ কাদা রাগেই ও-ল গরেবার আহ্ওজ; 
অচিন বিজাদি লরবো সিত্তুন শত্তুর ইংরেজ, 
কালা মোন উদিজে পথ দেগানার কাবিল ভান্
কাজলঙঅ রিজার্ভত কাজলদ্যা অরিং চোগির।
আঙুল মাধাৎ দিগবন স্যান কি চাদে কম ?
নিজিরেত; মমতাজর মিধে হ্াজিৎ তাজমহল কেয়্যা ঝাগারায়
সাহাজাহান সলঙৎ বনিজেস্ ছাড়ে, জাগি উদে একঝাক মাত্তল।
মধ্যরেত, যে কবি তামজাঙঅ পারত বজি, মন আহ্ওজে
তাজমহলর মার্ব্বেল পাত্থর ফাদায়, তা আঝাত্ ফুল পরোক।
অক্তে অক্তে, নিলোজ মন মহাভারতর সাজন্যা দ্রৌপদী তগায়
যেন কাবুগর ধার পই তাগি থায় রেদ শিগেরীর বিলেই চোখ,
বেল মিদে সদগত্ লাংদা হিজল ঝারত ধল বগা উরি যান
রীনা মেসিনজারঅ নিগুচ্ আহ্দানাৎ স্বর্গর বেক দোলানি লই 
নোনেইয়্যা নিতম্ব নাজি উদে, যেন সলং বদলেয়্যা বিষ সাপ লরেচরে।
তা লগে হ্াজার চোগ জ্বালা জুরোয় উমরঅ আহ্নজামৎ
নাফিসার মাত্তল আহ্জিৎ হ্াজার গোলাপ ফুদন
এ যুগৎ আমি এক গোধেল কজরা জারবো অচল আধুলি
কন আমলর ফুল বারেঙৎ আগি পড়ি।
ইরুগ যন্ত্রনা আ নিলোজ মনর ভালবাসা নয়,
নিঝিরেত পরবাসর সজাগঘুম, মাত্তল জুনির মিধে সদগে
কাজলঙর রিজার্ভৎ হ্াজার হ্াজার শিগেরীর চোখ
ঝিমিৎ ঝিমিৎ জ্বলি উদন যেন্ বোম্বের কুইন নেকলেজর আলোকসজ্জা।
গভা মন গভীন বনিজেচ্, এ পরান চাই সরান 
দগিনঅ বিষ বোয়েরত আমা আঝা সদর তোগায়
-ঝিমিদৎ নাজি উদন হ্াজার চোখ।
ইক্কু মনান পাগল কামানঅ গুলি; শত্তুর বুকচিরি 
লো’র দোর্চ্যাৎ ডুবি থেদ চায়, রগনী কলজ্যা সিদেনদি
এ গুলিত তাজমহল ভাঙি যেব গলি গলি পড়িব –
রীনা মেসিনজারঅ সোনা কেয়্যা, ঝরি পড়িবাক
হ্াজার গোলাপ নাফিসার দোলনেই হ্াজানাৎ।
আরঅ ফিরি এব এ দিন
পরাক পরাক অই উদিব রাঙা বেলর মিদে সদগে
নিলোজ মন তজিম অব জাদর স্ববন।
ইজোরঅ মাধার ডালিম আর গয়াম বাগানৎ নাজি বেড়েবাক্
ঝাক ঝাক বুলবুল, সাহানাজ এ গাজত্তুন উগাজৎ
        - যেন লাঙ মেয়্যা সদর তোগায় সদরঅ বুগৎ।
আর ফিরি বেরেব রীনা মেসিন্জার
করঙা কাপ্যে রেড রিবন ধল বুগৎ বানি
জুনপর ফুট্যা ধলকরা উদোনৎ।
নাফিসার মাত্তল আহ্জিৎ হ্াজার গোলাপ ফুদিবেক
তা সেরে তাজমহল জন্ম অব; জন্ম লব চাকমার 
নুঅ বিজক রুবো পাদৎ সোনা অক্ষরে।
        আরঅ নিলোজ মন তজিম অব
            রঙচোঙ্যা মার্ব্বেল পাত্থর
                হ্াজারে হ্াজার।  

Tripura Chakma Customary Law-2011

This is the 2011 edition of Tripura Chakma Customary Law prepared on the basis of 1998 edition of the same. Though, Tripura State Chakma Samajik Panchaye Parishad had adopted a new version in its Ehde Gumet conference held on 12th & 13th May, 2018, but it is good to study till now to trace evolve of our social movement. 

Here is the pdf version of the same Tripura Chakma Customary Law

জাদর পরান আদামত

 

জাদর পরান আদামত,
তজিম চাঙমা আদাম,
তজিম চাঙমা জাত।

ও আমা আদামান, আমা পরানান
আমার আহ্ওজোর গেদি সাগিনান।

চেরোপালা ঘিরি আঘে তারে এহ্ল তারুমান,
হরত বঝেই রাঘেয়ে তারে প’ন সোরাগান,
ভুয়ে-জুমে ভরন-ভিরোন হন’-হিচ্ছু নেই পরা,
ধানে-চোলে তোন-পাদে বেঘর আঘে ঘর ভরা।

সঙ মধ্যে আদাম’ পরান আমা হিয়োঙান,
আঘে আর’ তা হুরে আমা ইসকুলান,
হিয়োঙত জেনেই বেন্যে-বেল্লে বুদ্ধরে পুজিয়োই,
ইসকুলোত জেনেই পোরভুওলগে লেঘা শিগোন্নোই।

বেঘেমিলি আমা আদামান তজিম বানেবঙ,
সেজান গরি আমা জাত্তো তজিম বানেবঙ।

বিঝুমেলা ২০১২

অরুনাচল, আসাম, মিজোরাম, তিবুরা, দেচহুল – গদা চাঙমা-পিত্থিমিত বে’ক চাঙমাঘুন এক তোলোয়োত বঝিবার এক মাত্র জাগা তিবুরার বিঝুমেলা। আঝা রাঘেই দৈঙনাক্যে-তোনচোঙ্যে-আনোক্যে বুদ্ধিজীবীঘুন বঝরে একবার মিলিবার আরকানিয়ো গরি পারিবোঙ ইয়োত মুজুঙোর দিনুনোত। দেচহুলোর ‘আদিবাসী মেলা’, মিজোরামর ‘সিএডিসি ডে’ আর’ নানান চিগোন-দাঙর জধার বৈ-সা-বি পালনী/বিঝু পালনীদো আঝা গরিই এ পইদ্যেনে এক্কা-উক্কো চিদে গরাহ্ অহ্ব’।

এ বঝর ৩১ পল্লার বিঝুমেলা ফেলা অহ্র। এ বঝরত্তুন ধরিনেই বিঝুমেলাগানরে নুও ধগে সাজেবার আরকানি নেজা অহ্ল’। গদা তিবুরারে অট্ট্যভো বামে ভাক গরিনেই বামে-বামে খারা আ নাচ-গীদর জিদেজিত্যে এ বঝরত্তুন ধরিনেই চালু গরা অহ্ল’। লগে আমার জে জিনিচ্ছানি আহ্জি জাল্লোই সে – উভো গীত, ঝরা গীত, অলি গীত, তান্যাবী গীত, হেঙগরঙ বানা, ধুদুক বানা, শিঙে বানা, পোত্তি খারা, ঘিলে খারা, নাদেঙ খারা, বাদল তাক চানা, ফু তাক চানা – এ বাবদর জিনিচ্ছানি বামানিত্তেই হামাক্কায় গরি দ্যে ওয়ে। হয়েক বঝর পরে এ জিদেজিত্যেগানি চাঙমা সাংস্কৃতিক জগদত নুও তুবোল আনি দিবো ভিলি আমার আন্দাচ।

বিঝুর তিন্নো দিন বেঘর গমে হাদোক, সুঘে হাদোক। মায়ুগাঙ, ধিকনদী, লাঙফের, সাজেক-থেগা-তৈজোঙ, দেরগাঙ-মনুগাঙ-গুমেত, কাজলঙ-মেয়েনি-চেঙেই গাঙর অঝার হলগত বোই জোক হুঝির বরব’। চাঙমা জাদর জয় ওহ্ক।

              বালাতুলি মনকঝড়া বেক ফেঝেড়া, মানেই উধো জাগিরে
              ফি-বলা, আপদ বলা, দূরত যোক – কই উধে বিঝুপেঘে ডাগিরে।
                                                                                  – জনেশ আয়ন চাকমা।

বিঝু নিজেনিহ্, ২০১২

Maadi Flickr

MAADI Flickr

MAADI WordPress

MAADI WordPress

Chakma Fonts

Chakma(SuJayan)

Punongjun

RibengUni

Aalam

Maadi

MAADI : Issue-66, September 2011

Please click here to download Issue-66, September 2011

MAADI : Issue-65, August 2011

Please click here to download Issue-65, August 2011

MAADI : Issue-64, July 2011

Please click here to download : Issue-64, July 2011

MAADI : Issue-63, June 2011

Please click here to download : Issue-63, June 2011

MAADI : Issue-62, May 2011

Please click here to download MAADI : Issue-62, May 2011. Issue-62, May 2011

MAADI : Issue-61, April 2011

Please click here to DOWNLOAD Issue-61, April 2011 Issue-61, April 2011

MAADI : Issue-60, March 201

Please click here to DOWNLOAD Issue-60, March 2011