ইক্কো জাদর তুগুন সম্পত্তি তার ধক আ মাজারাগানি। আহ্জার আহ্জার বঝর ধরি ইক্কো জাদত জনম লোয়ে পোতপোত্যে মানেয়ুনোর ফুদো ফুদো মেহ্ত এগত্তর ওহ্নেই জনম লয় ইক্কো জাদর ধক, হাচ্যেক আ মাজারা। ইক্কো জাদর পরানঘর হোই পারা জায় জার জার এ মাজারাগানি।
মাজারা বাজেই রাঘানার লারেই ইক্কু আমার আঝল লারেই। আমা জাগাগানি আ সিয়েনির নাঙ, নাঙত্তলে সমি থেয়ে বিজক্কানি, আমা হধা - তার ঘাচ্চারা আ লিগিভার অহ্রক্কুন, আমা পিনোন, হাহ্দি, হবঙ, সিলুম, আমা উভোগীত, ওলিগীত, ঝরাগীত, তান্যেবিগীত, আমা ধুদুক, হেঙগরঙ, শিঙে, বাঝি, আমা বনভান্তে, মানবেন্দ্র লারমা, হালিন্দি রানী, শিপচরন, পেথ্যে ফগির, আমা হেবাঙ, হোরবো, গোরাম, গুদেয়ে, তাবাদ্যে, তেলদ্যে, পোগোনোতদ্যে, সেক্কে, পুচ্চে - ইয়েনি আমা জাদর পরানর এক-এক্কো হোলোই। ইয়েনি লুগেই জানা মানে চাঙমা জাত লুগেই জানা।
আমা জাদর সম্পত্তিগানি সিদি পোচ্ছে নানান বামত নানান ধগে - মিয়ানমারত, ভারদত, বাংলাদেঝত, দৈঙনাক্যেত, তোঙতোঙ্যেত, আনোক্যেত - ইয়েনি ভেক্কানি বাজেই রাগেবাত্যেই একজমালে বালা ধারাধারিগরি গিল দিবার হামত লামা পরিবো। ন অহ্লে গায় গায় হন’ জনে বুরেই ন এভঙ।
জাদর মাজারা বানানা আ আগেধে মাজারাগানি বাজেই রাঘেবার হামত বিঝুফুল বেঘর সেপবত্তা আ বলাবল লোনেই লেবেদেই আঘে ১৩ বঝর ধরি। দুমুরি ন পারিলেয়ো চিগোন চিগোন হুচ ফেলেই আমি আক্কোই জের নিরঘন্দি গরি। আমার আঝা একদিন আমি সাল্যেঙত লুঙিবঙ্গোয়ই।
বিঝুফুল, নাদা-১৩, বিঝু-২০১৩
No comments:
Post a Comment